Inauguracion Caya Zepp Wever
Durante un ceremonia oficial diabierna tras di lomba, a tuma luga e inauguracion di Caya Zepp Wever, unda diferente orador a comparti nan palabra riba e significado di e momento aki. Prome Minister Mike Eman a enfatisa cu e nomber di e caya ta un reconocimiento na e contribucion importante di Zepp Wever na comunidad, y cu e accion aki ta sirbi como inspiracion pa generacionnan futuro. Comerciante Frank Thielman a indica cu e inauguracion ta mustra con comunidad y sector priva por traha hunto pa honra personanan. E la agrega cu desaroyo di e area tambe lo contribui na actividad economico den barrio. Tambe, Zayron Joseph Wever famia di Zepp Wever, a papia durante e ceremonia, unda e la comparti palabra di agradecimento y a resalta e importancia di mantene vivo e legado di Zepp Wever.
