Jennifer Arends-Reyes (AVP): Autonomia a bira un palabra pa crea miedo
E discusion tocante e ley di Reino (Rijkswet) y e posibel perdida di autonomia a lanta hopi preocupacion den pueblo. Sinembargo, Parlamentario di AVP, Jennifer Arends-Reyes, ta urgi pa un reflexion mas profundo riba e nificacion di e palabra autonomia, specialmente den e contexto di e acuerdo- y mecanismonan di control existente cu ya caba ta regula e finansa di Aruba. E ta pone e atencion riba e hecho cu nos pais ta funcionando pa hopi aña caba bao di diferente forma di control, loke ta haci e temor di perde autonomia un topico cu mester analisa mas cuidadosamente.
