KPT - Otorite yo rekonèt ofisyèlman dat 14 dawout la se yon jou ferye
Jan dekrè prezidansyèl 11 desanm 2024 la mande sa, otorite yo rekonèt ofisyèlman dat 14 dawout la se yon jou ferye, daprè sa Laprezidans raple.
14 dawout la se komemorasyon seremoni « Bois Caiman » ki te senbolize inyon pou libète nan kad gwo batay pou endepandans nasyonal la.
Nan okazyon an, administrasyon piblik la, lekòl, komès ak endistri p ap fonksyone sou tout teritwa nasyonal la.
Jounen 14 dawout la se moman pou rafrechi memwa tout moun sou enpòtans seremoni Bois Caiman an nan fonde nasyon an.
