MAEC / Célébration du 30e anniversaire de l’Académie Jean Price Mars
Akademi diplomatik Jean Price Mars, ki sou kontwòl Ministè Afè etranjè ak Kilt, selebre, vandredi 30 oktòb la, 30 lane egzistans li, nan kad yon seremoni ki dewoule nan sal Lucienne Heurtelou Estimé, nan lokal Ministè afè etranjè a.
Nan okazyon an, direktè Akademi diplomatik Jean Price Mars la, Doktè Jean Guy-Marie Louis retounen sou 4 dat ki enpòtan nan fondman enstitisyon sa pandan l remèsye minis Afè etranjè ak Kilt la, Raïna Forbin pou sipò san fay li bay akademi an.
Sou bò pa l, minis Afè etranjè ak Kilt la, Raïna Forbin, felisite travay akademi an reyalize pandan 30 lane egzistans li.
Pi lwen, Minis Raïna Forbin anonse li pral soumèt 3 avan pwojè lwa, pami yo, yon avan pwojè dekrè ki gen pou wè ak òganizasyon epi fonksyonman Akademi diplomatik Jean Price Mars.
