Manifestacion relaciona cu e diferente casonan di Hit and Run durante ultimo tempo
Diasabra ultimo varios ciudadano preocupa pa cu e situacion di Aruba su trafico a presente dilanti Parlamento di Aruba y Bestuurskantoor pa hasi entrega di un manifesto caminda ta pidi politiconan di Aruba pa hisa e castigo pa loke ta trata esnan cu ta comete un accidente y ta bandona e sitio. Edwin Willems, yiu di Josely Vasquez Gonzalez cu a fayece na inicio di aña hunto cu su pareha despues di wordo alcansa pa un manehador bou influencia a inicia recolecta firma. Den menos di un siman a recolecta rond di 8 mil firma y a entrega esaki na e mandatario nan presenta. Prome Minister di Aruba, Mike Eman como tambe Minister di Husticia, Arthur Dowers ta duna di conoce na mes momento locual Gobierno di Aruba ta hasiendo caba pa cu e situacion alarmante cu ta reinando den nos trafico.
