Minister Gerlien Croes firma acuerdo cu KIA pa educacion di detenidonan
Minister di Enseñansa, Gerlien Croes, a firma un Memorandum of Understanding cu Instituto Coreccional Aruba, esta KIA, pa asina brinda MBO « opleidingen » cu un diploma reconoci. MBO Nivel 1 riba ‘Welding’ ta inicia como e proyecto piloto. Durante e firma di e acuerdo, e minister a destaca e importancia di reintegracion social, indicando cu educacion y capacitacion ta clave pa duna detenido nan un segundo oportunidad den bida. Cu e programa aki, participante nan lo por haña un diploma den welding, loke lo habri porta pa nan drenta den mercado laboral despues di cumpli cu nan condena. Segun Minister Croes, e colaboracion cu KIA ta un paso importante pa fortalece desaroyo personal y profesional di detenido nan como parti di nan re-integracion den sociedad.
