Minister Gerlien Croes: Oposicion ta hiba campaña contra mesun ley cu a laga nobenta porciento cla
“Si ta maneha un pais bon, no mester tin miedo di transparencia ni supervision tampoco,” asina mr. Gerlien Croes, Minister di Relacionan di Reino ta bisa relaciona cu asunto di Rijkswet pa Aruba. E mandatario ta bisa cu gobierno di Aruba lo pone hopi enfasis riba Aruba su propio representacion den Rijksministeraad. Den e proximo lunanan hopi minister di Aruba lo ta den Rijksministeraad y esaki ta bay bira un switch hopi grandi como tambe importante pa Aruba segun Minister Croes.
