Minister Wendrick Cicilia ta Reacciona riba Premiere di Pelicula ‘Mi Rason’ pa Promociona Aruba
Minister di Turismo, Wendrick Cicilia, a expresa su satisfaccion despues di e premier oficial di e pelicula « Mi Rason », un produccion cu Aruba Tourism Authority a lansa hunto cu Ministerio di Turismo di Aruba. Segun e mandatario, e pelicula ta mustra e esencia di Aruba, y e rason pakico tanto local como bishitante ta conecta cu nos isla. Durante entrevista cu Minister Cicilia, a indica cu « Mi Rason » ta un proyecto importante pa promociona Aruba na nivel internacional, mientras cu tambe ta resalta cultural, comunidad y e beyesa natural di nos pais. E premier di e pelicula a tuma lugar den dianan tras di lomba cu presencia di invitadonan especial, representatenan di sector turistico y otro miembronan di comunidad. Segun e mandatario, e produccion ta forma parti di un strategia mas amplio pa sigui fortalece posicion di Aruba como un destino unico den Caribe.
