Proyecto di camara pa Centro di Ciudad
Diabierna mainta den Caya Gilberto Francois (Betico) Croes a tuma lugar un rueda di prensa, caminda Minister di Turismo, Wendrick Cicilia conhuntamente cu Minister Geoffrey Wever acompaña pa Ronella Croes di ATA y Elton Arends di Oranjestad Investment Group a anuncia e proyecto di camara pa centro di ciudad. E meta di esaki ta pa trece seguridad den Caya Grandi, brindando asina un alivio tambe na e comerciante nan cu ta inverti den nan negoshi. Minister Cicilia ta splica mas encuanto e proyecto aki.
