Reaccion di Parlamentarionan riba Reunion di Rijkswet
Diabierna mainta den Parlamento di Aruba a duna inicio na e reunion publico riba peticion di fraccion di MEP y Fraccion di PPA. E reunion tabata p’asina papia riba e negociacionnan cu Hulanda. Durante e tratamento, Fraccion di AVP y Fraccion di Futuro a pidi 2 siman pa evalua e concepto di ley di Rijkswet cu awe mainta Conseho di Minister di Reino a aproba. Miembro nan di oposicion no tabata di acuerdo y despues di un discusion corto, Presidente di Parlamento Sr. Marlon Sneek a dicidi di pospone e reunion sin duna un fecha pa reanuda. Presente den e sala di Parlamento tabata Prome Minister Sr. Mike Eman, Minister di Asuntonan di Reino, Sra. Gerlien Croes y Minister di Finansas y Economia, Sr. Geoffrey Wever. Na salida nos a haya reaccion di parlamentario nan riba e situacion cu a presenta diabierna mainta.
