ULCC - Me Mario Delcy fè konnen arestasyon Gamall Jules Augustin an abitrè epi ilegal
Inite lit kont koripsyon (ULCC) transfere ansyen direktè jeneral Televizyon nasyonal Ayiti a, Gamall Jules Augustin, bay komisè Gouvènman Tribinal premye enstans Pòtoprens lan, aprè yon seyans odisyon, madi 23 septanm 2025 la.
Odisyon sa rantre nan kad yon ankèt ULCC ap mennen sou jesyon ansyen administrasyon TNH la.
Avoka ansyen Direktè jeneral Televizyon Leta, Me Mario Delcy, fè konnen arestasyon sa abitrè epi ilegal.
