Jean Ronald Joseph voye jete byen lwen tout akizasyon ki fèt kont li yo kòmkwa l ta enplike.....

Direktè Jeneral Fon Nasyonal pou Edikasyon an sòti nan silans li sou dosye soupyon kòripsyon ki genyen nan enstitisyon l ap dirije a. Jean Ronald Joseph voye jete byen lwen tout akizasyon ki fèt kont li yo kòmkwa l ta enplike nan gagote lajan nan bwat leta a. Daprè li, se yon seri mannèv pou sal imaj li ak imaj anplwaye FNE yo. Selon DG FNE a, (n ap site) « se yon ensidan enfòmatik ki rive ki etale enstitisyon an sou plas piblik ». Pou Jean Ronald Joseph, se yon dosye administratif ak jiridik. Nan sans sa, pou fè limyè sou tout akizasyon yo, li fè konnen enstitisyon an deja ekri Lakoudèkont pou fè yon odit sou jesyon li pandan 2 dènye ane yo