Raymond Kamperveen: ‘Gobierno mester negosha pa Aruba keda cu su poder huridico’
Riba 1 di januari 2026, parlamento di Aruba ta celebra 40 aña. Un momento historico pa pais Aruba y parlamento, unda tin cambionan drastico pasando den e su infrastructura. Ora cu bo drenta e sala di parlamento aworaki bo ta cuminsa mira y sinti tambe un sentido di cambio. Pa ex-presidente di parlamento, Raymond Kamperveen, esaki ta un momento pa bin madurez politico y pa realisa cu Staten ta e organisacion di mas grandi na Aruba cu mester tin su respet.
