Gobierno Ta habri vacatura pa Instituto Coreccional 'KIA'
Cambiando di Topico, Instituto Coreccional, KIA ta en busca di guardia nobo. Asina Minister di Husticia, Arthur Dowers, a anuncia oficialmente durante un conferencia di prensa, caminda cu Gobierno ta habri vacatura pa candidatonan cu kier drenta den e opleiding di Aspirante Coreccional pa Instituto Coreccional KIA. Despues di basta tempo sin habri oportunidad pa incorpora personal nobo na Instituto Coreccional KIA, e decision aki ta bini den un momento strategico. Mirando e presion actual riba e personal existente y anticipando e construccion di e facilidad coreccional nobo, Minister Dowers a enfatisa cu ta esencial pa reforsa e sistema cu talento nobo. P’esey, lo habri un klas nobo pa periodo 2026-2027.
